Nunphung & Zatlang

 

Kan miphun a nun nak cu kan nunphung le kan holh hi a si i, kan miphun a nun nakding ah cun hi kan nunphung le kan holh hi kan miphun nih kilkawi zungzal a hau. Mahti i kan nunphung le holh kilkawi cu krifabu hrimhrim in ṭan a hau ti hi atu ICBC chiarmen nih hin Yangon LBC chiarmen a si lio in a rak ruah i an rak thok mi a si. Cu cun ICBC chung zong ah Nunphung le Zatlang a um hi a si.

Nunphung le Zatlang i a tuah ding cu, kan miphun nunziamawi le holh kilkawi, cu nunziamawi le holh cu Cungnungbik Pathian kan biak nak zong ah hman tehna hi a si. Hi hlei ah, zatlang ṭhancho nak i a herh mi fimthiamnak ichimh kongkau vialte, cachuah leipang pohpoh, hi Nunphung & Zatlang nih ṭuan dih ding a si.

ICBC Nunphung & Zatlang zong Bawipa sunpar nak ca le kan miphun nunziamawi cawihler nak ca le kan holh kilkawi nak ca le zatlang ṭhancho nak ca ah a cawl lengmang ve. A tuah mi tlawmte von langhter usi law:

• Rolung Cazual kan chuah. Pulpit cung i chim awk a ṭha deuh lo mi tete hi mah cazual hin chimrel si seh ti zong ah a si. Thla khat oi khat chuah mi a si nain computer kan ngeih lo ruang ah thla tin kan chuah kho lo. Paaklaak in aa chuah.

• Lai Kumvoi kan tuah. Kumfatin Tho Thla zarh hnih nak hi Lai Kumvoi zarh ah ruat in pulpit ah caan kan hmang tawn ve. [Lai Kumvoi ti hi Lai Ram ah cun Lai Kumthar tiah an ti.]

• Laimi chuah mi mekazin le cauk tete zuar kan bawmh hna. Biakin i thilzuar belte kan khap.

• Mithi le zuunngai an um tik ah sia a herh nih bul a si i, mah bul hi Nunphung & Zatlang min in khawmh le tlaih a si.

• Atu na zoh lio mi maivan http://icbcsite.org hi Nunphung & Zatlang min in zohkhenh a si.

• 2009-2010 kum chung i tuah ding cu kawmiṭi thar nih an ruah te lai.